Rosa Aneiros (Meirás-Valdoviño, 1976) é xornalista e traballa no Consello da Cultura Galega. Colabora habitualmente en distintos medios de comunicación. En 1999 presentou a súa primeira novela, «Eu de maior quero ser», á que seguiron «Corazóns amolecidos en salitre» (2002); «Resistencia» (Xerais 2003), Premio Arcebispo Xoán de San Clemente 2003; «O xardín da media lúa» (2004); «Veu visitarme o mar» (Xerais 2004); «�s de bolboreta» (Xerais 2009), Premio Fundación Caixa Galicia de Literatura Xuvenil, Premio Fervenzas Literarias ao Mellor libro xuvenil 2009 e Premio The White Ravens (Internationale Jugend Bibliothek) 2010; «Sol de Inverno» (Xerais, 2009), Premio Xerais de Novela; e «Sibila» (Xerais, 2021). En 2013 publica o primeiro título da triloxía «�mote Leo A.»: «�mote Leo A. Destino xalundes» (Xerais, 2013), ao que seguiron «�mote Leo A. Estación de tránsito» (2014) e «�mote Leo A. Terminal de chegadas?» (2014). Na colección Sopa de Libros de Xerais publicou «Orestes perde o sentido!» (2019) e, na colección Merlín, «A batalla da pequena Chañan Curi Coca» (2017), «Xelís, o guieiro das botellas de mar», Premio Merlín de Literatura Infantil 2019, «Tres bichicomas, dúas illas e unha serea» (2020), Premio Agustín Fernández Paz de Narrativa Infantil e Xuvenil pola Igualdade 2018, e «Catro plumas de dinosauro» (2022). Con «Sibila» (Xerais 2021), publicada na colección Narrativa, retoma a narrativa para publico adulto. En 2023 publica o álbum ilustrado «Cachita, o paraugas e mais eu», xunto con Miguelanxo Prado, para a colección Pequena Memoria de Xerais.